2021 ലെ കവിതകൾ
- Details
- Category: 2021 ലെ കവിതകൾ
- Hits: 143
- Created on: 2021-03-16
ഒന്നാമനവലോകൻ ഷോക്കേസിലിടം തേടി
ഒന്നിച്ചുറങ്ങി മറ്റു കാഴ്ചവസ്തുക്കൾക്കൊപ്പം.
കണ്ണാടിച്ചില്ലിന്നുള്ളിൽ വെണ്ണക്കൽ തഥാഗതൻ
എണ്ണത്തിൽ മറ്റൊന്നായി കണ്ണിനുകുളിരേകി.
- Details
- Category: 2021 ലെ കവിതകൾ
- Hits: 202
- Created on: 2021-10-18
മാലിനീതീരനികുഞ്ജത്തിലോ സുര-
മോഹിനികൾ വാണ വാടിയിലോ?
കാനനവേണുവിൽ വീണുമയങ്ങിയ
ദ്വാപരസന്ധ്യാദളങ്ങളിലോ?
പാർവ്വണചന്ദ്രിക മോഹവിരിപ്പിട്ടൊ-
രാര്യഹിമാലയ ശൃംഗത്തിലെ,
മാരമനോരഥ യുദ്ധത്തിലോ മമ
മാനസമെന്നോ കളഞ്ഞുപോയി.
- Details
- Category: 2021 ലെ കവിതകൾ
- Hits: 262
- Created on: 2021-07-21
മദമിളകി മദമിളകി മതയാനയെത്തുന്നു,
മതഭരിതമസ്തകമിടഞ്ഞാശു നിൽക്കുന്നു,
കദളിവനരുചിരഭുവി വിറപൂണ്ടുനിൽക്കുന്നു,
മരണഭയ വക്രത വണിക്കായി നിൽക്കുന്നു.
- Details
- Category: 2021 ലെ കവിതകൾ
- Hits: 633
- Created on: 2021-08-08
മുമ്പേ നടന്നവർ, മുള്ളു തെളിച്ചവർ,
കല്ലിൻ മുനകൾ നടന്നു മിനുക്കിയോർ,
കൊല്ലാക്കയത്തിലിറങ്ങി "അരുതെന്നു'
ചൊല്ലി മറഞ്ഞവർ, സേതു ബന്ധിച്ചവർ,
എല്ലാടവും വറ്റി വിണ്ടുണങ്ങീടവേ
കല്ലിട്ടണകളുയർത്തിയോർ, പുല്ലിനെ
നെല്ലായി മാറ്റിയോർ, ചക്രം തിരിച്ചവർ,
എല്ലു മുറിച്ചു ശയ്യാതലം തീർത്തവർ.
(എന്നുമോർക്കേണ്ടതാണെങ്കിലും ഓർത്തില്ല,
ഇന്നു ഞാനെല്ലാരെയും സ്മരിച്ചീടുന്നു.)
- Details
- Category: 2021 ലെ കവിതകൾ
- Hits: 263
- Created on: 2021-12-10
തട്ടുംപുറത്തു കയറുവാനുള്ള
കോവണിയുടെ ചുവട്ടിൽ
കറുത്ത പൂച്ച ഇല്ലായിരുന്നു.
- Details
- Category: 2021 ലെ കവിതകൾ
- Hits: 230
- Created on: 2021-12-05
കൊച്ചരിമുല്ല പടർന്ന രസാല-
വനത്തിൽ ചുറ്റിയ പൂന്തെന്നൽ
ഒറ്റക്കാലിൽ മരുവും ശുഭ്ര
ബകത്തോടൻപൊടു ചോദിച്ചു,
"കത്തും പകലോനൊറ്റയ്ക്കൊരുപറ
വിത്തു വിതച്ചു നടക്കുമ്പോൾ
ഒത്തിരിനേരം ചുമ്മാതിങ്ങനെ
നിൽക്കുവതെന്തേ കൊറ്റികളെ?"
- Details
- Category: 2021 ലെ കവിതകൾ
- Hits: 292
- Created on: 2021-08-04
ഉത്തുംഗവിലസിതം ഗിരിശൃംഗങ്ങൾ കട-
ന്നെത്തിനിൽക്കുന്നു വഴി, സത്രമൊന്നതിൻമുന്നിൽ.
കുത്തനെ ഉയർത്തിയ ചില്ലുമന്ദിരത്തിന്റെ
നെറ്റിയിൽ നക്ഷത്രങ്ങളഞ്ചെണ്ണം തിളങ്ങുന്നു.
സൂചികാഗ്രത്തിൻമോളിൽ പൗർണ്ണമി കുളിച്ചീറൻ
മാറിയ വസനങ്ങൾ, ധൂസരമുകിലുകൾ.
- Details
- Category: 2021 ലെ കവിതകൾ
- Hits: 298
- Created on: 2021-11-26
അതെ ലൂയിസ് കരോളിന്റെ ആലീസ് തന്നെ. അവൾ ശശക മാളത്തിനു പുറത്തു വന്ന ശേഷമാണ് ശരിക്കുമുള്ള അത്ഭുതം സംഭവിക്കുന്നത്. അവൾ കാണുന്നതും, അറിയുന്നതും, അനുഭവിക്കുന്നതും എല്ലാം അത്ഭുതങ്ങളാണെന്നുള്ള തിരിച്ചറിവാണത്. അവൾക്കകത്തും പുറത്തും അത്ഭുതങ്ങൾ മാത്രമാണ്. ഏതുകാര്യവും ആദ്യമായി അനുഭവിക്കുമ്പോൾ അത്ഭുതവും, നിരന്തരം അനുഭവിച്ചുകഴിഞ്ഞാൽ അത്ഭുതമല്ലാതായി മാറുകയും ചെയ്യുന്നു. സത്യത്തിൽ എന്തിന്റെയെങ്കിൽ പൊരുൾ നാം പൂർണമായി മനസ്സിലാക്കുന്നുണ്ടോ? അതിനു കഴിയുമോ?
ശശകമാളമുപേക്ഷിച്ച ആലീസി
നതിശയം മാത്രമായിരുന്നൊക്കെയും.
നിശയിലിന്ദു, വിഭാതത്തിലർക്കനും
കണിശമെത്തി ചിരിച്ചു മടങ്ങുന്നു.
- Details
- Category: 2021 ലെ കവിതകൾ
- Hits: 301
- Created on: 2021-10-09
നറു നിശാഗന്ധി പൂത്തുതിരും സുഗന്ധമീ
പടികടന്നെത്തുന്ന പാതിരാവിൽ,
വിജനമീ വഴികളിലറിയാരഹസ്യങ്ങൾ
തിരയുന്ന തൈജസകീടങ്ങളെ,
കരുതുവാനെന്തു കാലടികളെ ചുംബിച്ച
കറുകദലങ്ങൾക്കു മേൽക്കുമേലിൽ?
- Details
- Category: 2021 ലെ കവിതകൾ
- Hits: 268
- Created on: 2021-10-04
ചൊല്ലാമൊരുകഥ പണ്ടൊരു നാട്ടിൽ
മുല്ലപ്പൂക്കൾ വിരിഞ്ഞൊരു രാവിൽ
ഉണ്ണി പിറന്നൊരു സന്തോഷംകൊ-
ണ്ടുണ്ണീടച്ഛൻ ലഡു പൊട്ടിച്ചു.
- Details
- Category: 2021 ലെ കവിതകൾ
- Hits: 217
- Created on: 2021-08-27
തസ്കരാ നിന്നോടു മാപ്പു ചോദിക്കുന്നു
പുഷ്കലമാം നിന്റെ ഭൂമി കവർന്നതും,
നിഷ്ടുരമായ് നിന്റെ വീടൊഴിപ്പിച്ചതും,
ചത്വരത്തിൽവച്ചു ചേലയുരിഞ്ഞതും,
നിസ്വനെന്നോതി പകൽവെളിച്ചത്തിന്റെ
നിസ്തുല ഭംഗിയിൽ നിന്നൊഴിപ്പിച്ചതും,
അപ്പത്തിനൊത്തിരി ചുങ്കം ചുമത്തി നിൻ
മക്കളെ ക്ഷുത്തിൻ കയത്തിലെറിഞ്ഞതും,
വറ്റിയ നിന്റെ കണ്ണീർ തടാകങ്ങളിൽ
മുറ്റും വിഷം പാകി ലാഭം നുകർന്നതും,
അക്ഷരം നൽകാതരക്ഷിതനാക്കി നിൻ
പ്രജ്ഞയിൽ പോലുമിരുട്ടു നിറച്ചതും,
വിഹ്വല രാവിൻ നിഴൽ പറ്റി ജീവിത
പ്പിച്ച പെറുക്കുവാൻ വിട്ടുകൊടുത്തതും,
മറ്റാരുമായിരുന്നില്ല, മറക്കായ്ക
പച്ചപ്പരിഷ്കാരിയായൊരീ സോദരൻ.
