എന്തിനണഞ്ഞു നീ
- Details
- Category: 2024 ലെ കവിതകൾ
- Created on: 2024-08-16
എന്തിനണഞ്ഞു നീ സ്വപ്നങ്ങളിൽ വീണ്ടു-
മെന്തിനെൻ ശയ്യാഗരത്തിൽ വീണ്ടും?
മന്ദസ്‌മിതാലക്ത്തികാഭയിലായിര-
മിന്ദീവരങ്ങൾ വിടർത്തി വീണ്ടും?
സന്ധ്യ ചേക്കേറുമെന്നന്തരാത്മാവിന്റെ
വന്ധ്യതരുക്കളിൽ പൂ വിടർത്താൻ
എന്തിനു വീണ്ടുമണഞ്ഞു സുഷുപ്തിയിൽ
മന്ദ കിശോരപക്ഷങ്ങൾ വീശി?
ഉൽഭുല്ലമാകുമുഷസ്സിൻ ദളങ്ങളിൽ
സൽ സുര നീഹാരമിക്കിളിതൻ
സപ്ത തരംഗമുണർത്തവേ മൂകമാ-
യെത്തിയതെന്തിനീ കമ്പളത്തിൽ?
എന്നോ കൊഴിഞ്ഞ വാഗ്‌ദാനപുഷ്‌പം കൊരു-
ത്തെന്തിനീ സങ്കല്പ മാല്യവുമായ്
മെല്ലെ തുറന്നെഴുന്നെള്ളി മനസ്സിന്റെ
യുള്ളിൽ വിമൂകാനിലൻ കണക്കെ.
നിദ്രതന്നാഴത്തിൽ നീന്തും കിനാക്കളെ
വിസ്മയാകാരവികാരങ്ങളെ,
മന്മനോകൈവർത്തകൻ കാത്തിരിക്കുന്നു
തന്മയത്വത്തിൻ വലയുമായി.
ഷാർജ്ജ
- Details
- Category: 2024 ലെ കവിതകൾ
- Created on: 2024-11-21
"ശംഖുമുഖത്തെ പുരാതന പൂഴിയിൽ
എന്തേ മുഖം പൂഴ്ത്തി നിൽപ്പു തോഴി?
ശങ്കയോടല്പം ചരിഞ്ഞ തുലാവർഷ
മെന്തേ നനച്ചുകളഞ്ഞു നിന്നെ?
സഹർഷം
- Details
- Category: 2024 ലെ കവിതകൾ
- Created on: 2024-10-13
ഉണരുന്നുയരുന്നരുണൻ സദയം
ഉണരുന്നു നിശാംബര വീഥിയിൽ നി-
ന്നുണരുന്നു സഹസ്ര ദളങ്ങളുമാ-
യുണരുന്നിള ഭാസുര വീചികളിൽ.
ഉണരുന്നു തൃണങ്ങൾ, തരുക്കളിൽ നി-
ന്നുണരുന്നു കിശോര ദലങ്ങൾ മുതൽ
ഉണരുന്നിളകുന്നിളവല്ലി വരെ
ഉണരുന്നു സുഗന്ധസുമം കുളിരിൽ.
ഉണരുന്നചലങ്ങളഹം പൊരുളിൽ
ഉണരുന്ന മരുത്തുലയുന്നിരുളിൽ
ഉണരുന്നു പ്രചണ്ഡ പ്രഭാകിരണൻ
ഉണരുന്നു ചിദംബരമായാഖിലം.
ഉണരു ഉയരു നിജ മാനസമെ
ഉണരു തമസാവൃത സീമയിൽ നി-
ന്നുണരു പുരുഷാന്തര സൗഹൃദമാ-
യുണരു സുഖ സംചലനങ്ങളിൽ നീ.
ഉണരു ദൃഢ ഹൈമനിലങ്ങളിൽ നി-
ന്നുണരു ഒഴുകാതെയുറഞ്ഞരുവി,
ഉണരു സരസീരുഹമഞ്ചിതമാ-
യുണരു മനപങ്കജമെ വിടരു.
------------
13.10.2024
മിഥുനം
- Details
- Category: 2024 ലെ കവിതകൾ
മിന്നലും കൊടുങ്കാറ്റുമായ് ചേർന്നലി-
ഞ്ഞിന്നലെ പെയ്ത വർഷത്തിൽ നാമെത്ര
ധന്യമായ മുഹൂർത്തങ്ങൾ തീർത്തതാ-
ണന്യരാകാത്ത മൗനാനുരാഗികൾ.
മേരിയുടെ മേശപ്പുറം
- Details
- Category: 2024 ലെ കവിതകൾ
- Created on: 2024-06-15
പാതിയൊഴിഞ്ഞ 'ഗിന്നസ്സും', നിലാവിറ്റു
വീണപോലഞ്ചാറു ചീനപാത്രങ്ങളും,
ജീവിതം പോലെ മെഴുക്കു പുരണ്ടൊട്ടു
വീഴാതെ തൂങ്ങിപ്പിടിച്ച തൂവാലയും,
കടലാസുതോണി
- Details
- Category: 2024 ലെ കവിതകൾ
- Created on: 2024-05-26
മഴ പെയ്തു പെയ്തൊഴുകും മണിമുറ്റ-
ത്തൊരു തോണിയിറക്കി ഞാൻ.
ഗണിതപ്പട്ടിക എഴുതിയ കടലാ-
സലകളിൽ മുങ്ങിപ്പൊങ്ങുമ്പോൾ,
പ്രണയ ചരിത്രത്താളുകൾ കൊണ്ടൊരു
പവിഴപ്പായ നിവർത്തി നീ.
കനറി വാർഫിലെ തല
- Details
- Category: 2024 ലെ കവിതകൾ
- Created on: 2024-02-18
കെട്ടിയുയർത്തിയ ചില്ലു കൊട്ടാരങ്ങൾ
ചുറ്റിലും കോട്ടകൾ തീർത്തൊരു ചത്വര-
മദ്ധ്യേ ഉയർന്ന പീഢത്തിൽ നീ കണ്ടുവോ
വെട്ടി മുറിച്ചിട്ട മാതിരിയിത്തല?
കേരളഗാനം
- Details
- Category: 2024 ലെ കവിതകൾ
- Created on: 2024-02-09
മലകളെ കൈവളയണിയിച്ച പുഴകൾക്കു
പനിനീരു പകരുന്ന ജലദങ്ങളെ,
മഴവില്ലിനിഴ കൊണ്ടു നെയ്തതാരീ ഇന്ദ്ര-
പുരികളെ വെല്ലുന്ന ഹരിതതീരം?
പകരങ്ങളില്ലാത്ത ലാവണ്യമേ, ഇന്ദു-
കല ചൂടി നിൽക്കുന്ന താരുണ്യമേ,
ഇതു കേരളം ഇളയ്ക്കഭിമാനമേകുന്ന
മധുരാനുഭുതിയാം മമ മന്ദിരം.
Page 1 of 9
